وعلشان رعاية صحتكم مسؤوليتنا، قدرت الهيئة العامة للرعاية الصحية فرع أسوان تحقق نقلة نوعية حقيقية في خدمات الغسيل الكلوي، من خلال مجهود كبير بيحصل على الأرض كل يوم، علشان نضمن لكل مريض خدمة آدمية، متاحة، وآمنة في كل وقت ومن غير عناء.

وفرنا أكتر من ٢٥٠ ماكينة غسيل كلوي شغالة بكفاءة عالية في مختلف مستشفياتنا، وبنخدم من خلالها أكتر من ٨٥٠ مريض يوميًا من غير أي انتظار أو قوائم، وده في حد ذاته إنجاز غير مسبوق على مستوى المحافظة.

ومن أول السنة، أجرينا أكتر من ٥٠ ألف جلسة غسيل كلوي، وكل جلسة منهم كانت أمل جديد بيتحقق، وحياة بتستمر، وكل ده بيعكس قد إيه الخدمة دي بقت من أولويات الهيئة، وقد إيه فيه التزام حقيقي تجاه أهلنا في أسوان.

واللي يفرّح أكتر، إننا نجحنا في استحداث الخدمة لأول مرة في مستشفى دراو، ومستشفى السباعية، وده معناه إن المريض ما بقاش مضطر يسافر أو يتحمّل مشقة الطريق علشان ياخد جلسته… لأ، الخدمة بقت قريبة من بيته، ومن غير أي معاناة.

النهاردة، خدمة الغسيل الكلوي موجودة في ستة مستشفيات رئيسية على مستوى محافظة أسوان:

مستشفى أسوان التخصصي، مستشفى المسلة التخصصي، مستشفى دراو المركزي، مستشفى أبوسمبل الدولي، مستشفى السباعية المركزي، ومستشفى النيل التخصصي .

اللي بيحصل ده مش وليد الصدفة… ده ناتج عن شغل منظم، وتخطيط مسبق، والتزام كامل من كل فرد في الهيئة، هدفنا دايمًا صحة المريض، وكرامته، وراحته، وإنه يلاقي خدمة تليق بيه في كل تفصيلة.

لأننا في هيئة الرعاية مؤمنين إن:

“رعاية صحتكم مسؤوليتنا”… مش مجرد شعار، ده وعد … عايشين بيه، وبنحققه كل يوم.

https://www.facebook.com/EHAAswan/videos/678843008489260?locale=ar_AR